sru:version: 1.2; sru:query: fcs.rf="mecmua.2_131"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_131"; sru:baseUrl: ; fcs:returnedRecords: 1; fcs:duration: PT0.023S PT0.027S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_131</phrase></query>)];

Baḥr‑i ḥikmetde niçe biñ Loqmān
ʿAcz ü noqṣān‑ile qalur ḫayrān [!]

Nice yüz biñ ḥekīm‑i Eflāṭūn
ʿĀleme her ki geldi ehl‑i fünūn

Şemmeden ẕerre deñlü bilmediler
Baḥrden qaṭre deñlü almadılar

ʿİlm‑i ḥaqdur buña nihāyet yoq
Cümlesin bilmege liyāqat yoq

ʿAcz ü noqṣān‑ile şürūʿ ėtdüm
Ulular gitdügi yola gitdüm

dībāce‑i

Diñle eydem neden bu ʿilm‑i beden
Neden ėtdi ḫudā bu cismi neden

Ẓāhir ü bāṭını nedür anuñ
Nicedür sırrı cümle cānuñ

Ḥükemā cānı qan dėmiş ḥāşā
Fa‑nafaḫnā fīhi gelüpdür aña nidā

qawlahū [?] taʿālā fa‑nafaḫnā fīhi min rūḥinā

Cānı hĭc kimse bilmedi aṣlā
Līk bir söz diyem işit cānā

Rūḥ‑i Aḥmed ki nūr‑i ẕāt‑i aḥad
Aṣlı ol ferʿidür bu cümle ʿaded

Ulu yaradandur anlaġıl ẕātuñ
Qıl naẓar ẓāhir eyle mirʾātuñ

Ol sebebden‑ki ʿālem‑i kübrā
Saña dėrler şehā bi‑ḥaqqi ḫudā

Zübde‑i kāʾināt oluban sen
Muḫtaṣar[dur] [e]gerçi ḫāk‑i beden

Muʿteber(e)sinʿulūm‑i ḥikmet ile
Āşināsın ezelde ḥażret ile

Saña dėnildi aḥsen‑i taqvīm
Seni sevdi yaratdı ẕāt‑i qadīm

Seni ʿilmine eyledi maḥrem
Cümle ḫalq içre qıldı hem ekrem

Sen geregin bilesin her iḥsānı
Cān‑ile eyle şükr‑i yezdānı

Bāṭınuñda bu cāna üç yoldaş
Qodı bir birine ola sırdaş